Əziz beşyaşlılar, məktəbimizə xoş gəlmisiniz!

Bu gün məktəbəhazırlıq qrupunun ilk məşğələsi oldu. Beşyaşlı balacalar böyük həyəcanla məktəbin həyətinə toplaşmışdılar. Əllərində şarlar, gözlərində sevinc məktəbin foyesinə daxil olan uşaqların sevincinin həddi-hüdudu yox idi. Doğrudur, uşaqlardan bəziləri həyəcandan ağlamağa başlasalar da, sinifdəki bayram əhvali- ruhiyyəsi onları tezliklə sakitləşdirdi. Beləliklə ilk məşğələmiz

başlandı. Uşaqlar onlar üçün hazırladığım təqdimatı izlədilər. Vətən, ailə haqqında suallara həvəslə cavab verdilər. Bildikləri şeirləri əzbər söylədilər. Sonra isə “ Maşa və Ayı məktəbə hazırlaşır” adlı elektron oyunu oynadılar. Xüsusi olaraq beşyaşlılar üçün hazırladığım bu oyun onların marağına səbəb oldu. İlk məşğələmiz belə keçdi.