Bakı Şəhər Mədəniyyət Baş İdarəsi Binəqədi rayon Mərkəzləşdirilmiş Kitabxana Sisteminin Uşaq şöbəsi Mərkəzi Kitabxanada "2 Aprel Beynəlxalq Uşaq Kitabı Günü" adlı tədbir təşkil etdi.
Tədbirdə Binəqədi rayon 102 saylı tam orta məktəbin 2 "a" sinif şagirdləri və sinif müəllimi Dilşad Şeyxzadə iştirak etdilər.
Uşaq şöbəsinin müdiri Səidə Sərdarova kiçikyaşlı məktəbliləri Uşaq şöbəsi ilə yaxından tanış etdi. Məktəblilərə şöbədə yaradılan "2 Aprel Beynəlxalq Uşaq Kitabı Günü" başlıqlı sərgi və sərgidə yer alan maraqlı uşaq ədəbiyyatları haqqında məlumat verildi. Məktəblilərə "2 Aprel Beynəlxalq Uşaq Kitabı Günü"nün tarixi haqqında ətraflı məlumat verildi. Qeyd edildi ki, uşaq ədəbiyyatı gününün məhz bu tarixə təsadüf etməsi məşhur danimarkalı nağılçı Hans Kristian Andersenin 1805-ci il aprelin 2-də anadan olması ilə bağlıdır. Beynəlxalq Uşaq Kitabı Gününün bu tarixdə qeyd olunmasını alman yazıçısı Yella Lepman təklif edib. Bu əlamətdar günün qeyd olunmasında məqsəd cəmiyyətin diqqətini uşaq ədəbiyyatına onun problemlərinə cəlb etməkdir.
Tədbirdə məktəblilər müxtəlif müəlliflərin kitablar haqqında yazılan "Özümüz oxuyarıq", "Dostum", "Küsən kitab", "Kitab", " Qız və kitab", "Şəkilli kitab" şeirlərini və sinif müəllimi D.Şeyxzadənin yazdığı "Kitablar" adlı şeiri söylədilər. Tədbirdə balaca məktəblilərin çəkdikləri kitab rəsmləri və hazırladıqları əlfəcinlər nümayiş olundu. Məktəblilərin kitab haqqında oxuduqları mahnı tədbirə xüsusi gözəllik qatdı.
Tədbirin sonunda məktəblilər Uşaq şöbəsinin məktəbli oxucu qrupuna üzv yazıldılar.
Tədbirin məqsədi məktəbli oxuculara "2 Aprel Beynəlxalq Uşaq Kitabı Günü" haqqında məlumat vermək və rəngarəng uşaq ədəbiyyatları ilə tanış etmək oldu.
