Budur, son dərs günü də gəldi. 4”a” sinfi ibtidai təhsilini yekunlaşdırdı. Vida günü həm sevincli, həm də kədərli idi…
Əlvida, 4”a” ! Biz bir-birimizi unutmayacağıq. Sizin hər bir nailiyyətiniz mənim üçün böyük bir uğurdur. Mənim ağıllı şagirdlərim, inanıram ki, sizinlə daim fəxr edəcəyəm!
Son dərs həftəsi 4-cülərin gərgin günləri idi. Bütün fənlərdən BSQ-lərin yazdırılması yorucu olmasın deyə, uşaqlara Texnologiya, Təsviri incəsənət və Musiqi dərslərində sərbəst mövzu üzrə iş verirdim. Texnologiya dərsində şagirdlərim əsasən plastilinlə yapmaya üstünlük verdilər. 2 nəfər isə kompüterdə proqramlaşdırma yolu ilə cizgi filmi hazırladı.
P.S. Qeyd edim ki, özüm Azərbaycanda ilk “scratch”çılardan biri olaraq 2013-cü ildə Abdulla Qəhrəmanovun təlimlərində bu proqramın ilk addımlarını tətbiq etmiş və sertifikatla da təltif olunmuşdum. Sonradan istifadə etmədiyimə görə unutdum. İndi gərək Əliimrandan öyrənim.☺️
