Novruz gəlir - Yaz gəlir

 İlaxır çərşənbələri geridə qoyaraq yurdumuza xonçalı Novruz gəlir. Novruz - xalqımızın ən qədim adət-ənənələrini özündə əks etdirən bahar bayramıdır. Bu münasibətlə 3A sinfində sinifdənxaric tədbir keçirildi. 

Tədbirdə iştirak edən şagirdlər şeir söylədilər, mahnı oxudular, yumurta döyüşdürdülər.” Ən gözəl xonça” , “Ən gözəl rəsm” müsabiqələri keçirildi. Qaliblər mükafatlandırıldılar. Uşaqlar yallı gedərək rəqs etdilər.

Tədbirin sonunda hər bir şagird fəal iştiraka görə təltif edildi. 

Səməni aplikasiyası

Elimizə yaz gəlir. Yazın gəlişi ilə əlaqədar olaraq milli adət-ənənələrimizi özündə əks etdirən “ Novruz bayramı” yaxınlaşır. Artıq 3-cü çərşənbəni də yola salıb, axır çərşənbəni gözləyirik. Novruzun əsas atributlarından biri də səmənidir. Bu gün Texnologiya dərsində səməni aplikasiyası ilə  “ Novruz” açıqcası hazırladıq. Artıq hər kəsin bir açıqcası var. İndi ən yaxın dostları və ailə üzvlərini belə açıqca ilə təbrik etmək olar. 

Səməni aplikasiyası

Ulu öndərin 100 illiyi münasibətilə şahmat və dama müsabiqəsi

 Ulu öndər Heydər Əliyevin 100 illiyi münasibətilə məktəbimizdə silsilə tədbirlər  keçirilir. Bu gün isə “ Şahmat və dama çempionatı” oldu. Çempionatda məktəbimizin şagirdləri birincilik uğrunda yarışırdı. 3A sinif şagirdləri də müsabiqədə iştirak etdilər. İştirakçıların hər birinə uğurlar arzulayırıq!

Ulu Öndərin 100 illiyi münasibətilə müsabiqə

 Məktəbimizdə "Heydər Əliyev" ili çərçivəsində Ulu Öndərin 100 illiyi münasibətilə rəsm müsabiqəsi keçirilib.

 Bu müsabiqədə 3A sinfindən də  4 şagird iştirak etdi. Xanhüseynli Duyğu, Məhərrəmov Ümid, Cəlilzadə Lətif, Məmmədzadə Mirİbrahim böyük həvəslə öz rəsmlərini  təqdim etdilər.

Bütün iştirakçılara uğurlar arzulayırıq.

5 Mart İdman Günüdür

 Hər il martın 5-i Azərbaycanda Bədən Tərbiyəsi və İdman Günü kimi qeyd olunur. 

Prezident İlham Əliyevin 2005-ci il 4 mart tarixli Sərəncamına əsasən hər il bu gün Bədən Tərbiyəsi və İdman Günü kimi qeyd edilir. Ölkəmizdə idmanın inkişafı ildən-ilə daha geniş vüsət alır. İndi Azərbaycan dünyada güclü idman ölkəsi kimi tanınır.
Azərbaycanda Bədən Tərbiyəsi və İdman Gününün martın 5-də qeyd olunması təsadüfi deyil. 1995-ci il martın 5-də ümummilli lider Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib. Bununla da ölkəmizdə bədən tərbiyəsi və idmanın inkişafında yeni strategiyanın təməli qoyulub. 2006-cı ildə Prezident İlham Əliyevin Fərmanı ilə Gənclər və İdman Nazirliyi yenidən təşkil edilib.
1997-ci ildən Milli Olimpiya Komitəsinə rəhbərlik edən Prezident İlham Əliyevin ardıcıl səyləri, uğurlu idman siyasəti nəticəsində Azərbaycan dünyanın qabaqcıl idman ölkəsinə çevrilib. Ölkəmizdə idmana, bədən tərbiyəsinə diqqət ildən-ilə daha da artır. Dövlətimizin başçısının idmanı sevməsi, idmançılara xüsusi həssaslıqla yanaşması, onların peşəkarlıqlarının artırılmasına göstərdiyi davamlı qayğı, idmanın maddi-texniki bazasının möhkəmləndirilməsi, Olimpiya İdman komplekslərinin və idman bazalarının yaradılması haqqında qərarları buna əyani sübutdur. Bu qərarlar müsbət nəticələr verir, Olimpiya və dünya çempionatlarında qazanılan medalların, nailiyyətlərin sayı ildən-ilə artır. İdmançılarımız 2008-ci ilin avqustunda Pekində keçirilən Olimpiya Oyunlarında uğurla çıxış edərək 7 medal qazanıb və Azərbaycan dünyanın iki yüzdən çox ölkəsi arasında 38-ci yeri tutub. Prezident İlham Əliyevin Sərəncamı ilə “İdman İli” elan edilən 2012-ci il də Azərbaycan idmançıları üçün uğurlu il olub. Komandamız Londonda keçirilən XXX Yay Olimpiya Oyunlarında daha yaxşı nəticə göstərib. London Olimpiadasında idmanın 16 növü üzrə 53 idmançı ilə təmsil olunan Azərbaycan iki qızıl, iki gümüş və altı bürünc medal qazanmaqla bundan əvvəlki olimpiadalardakı rekordunu yeniləyib. 2016-cı ildə Rio-de-Janeyroda keçirilən XXXI Yay Olimpiya Oyunlarında isə Azərbaycan milli komandası medal sayına görə 14-cü yerdə qərarlaşdı. İdmançılarımız milli komandamızın aktivinə 18 medal yazdırıblar.
İndi nəinki Bakıda, ölkəmizin bütün bölgələrində müasir Olimpiya İdman kompleksləri tikilib, idman mərkəzləri uğurla fəaliyyət göstərir. 

İdman Günü ilə əlaqədar olaraq 102 nömrəli məktəbdə idman həftəsi keçirilir. 3A sinfi də bu tədbirdən geri qalmadı. Rəsm qalereyası üçün sərgidə bizim sinif də fəal iştirak etdi.

“Zəfəri yaşadanlar” Təqdimat

 22.02.2023-cü il tarixdə 102 nömrəli tam orta məktəbin 3A sinif şagirdlərinin “ Zəfəri yaşadanlar” müsabiqəsi çərçivəsində təqdimatına baxış keçirildi. Münsiflər heyəti məktəbin direktoru M. İsmayılova və tədris üzrə müavin B.Quliyeva iştirak edirdi. Şagirdlərimin uğur qazanacağına böyük ümid bəsləyirəm.

“Zəfəri yaradanlar” təqdimatı