4-cü siniflər üçün "Riyaziyyat" fənni üzrə sınaq testi

Dəyərli izləyicilər!
Ölkə ərazisində xüsusi karantin rejiminin tətbiqi ilə əlaqədar olaraq mən də bir çox müəllimlər kimi distant təhsilə başlamışam. Müəllimlərə, valideynlərə və uşaqlara kömək məqsədilə  bu gündən bloqumda sınaq testlərini yerləşdirəcəyəm. Testləri "Riyaziyyat" dərsliyi və metodiki vəsait üzrə verilmiş test və tapşırıqlar əsasında tərtib etmişəm. Hamıya can sağlığı və uğurlar!

Testin linki

Məktəbəhazırlıq məşğələləri üçün yeni tapşırıqlar

Hörmətli həmkarlar, eləcə də valideynlər, uşaqlar və digər izləyicilər. Sizin üçün yeni tapşırıqlar hazırladım. Tapşırıqları rus dilindən tərcümə etmişəm. Mənbə budur http://roditeli.club/razvitie-rebenka/300-razvivayushhix-uprazhnenij-4-5-let-pdf/
Buyurun, istifadə edin. Uğurlar!
P.S. Şəkilləri yükləyə bilərsiniz. İstifadə edərkən və paylaşarkən mənbəni göstərməyiniz xahiş olunur.

20 Yanvar şəhidlərinin 30-cu ildönümünə həsr olunmuş tədbir

17 yanvar 2020-ci il tarixində Bakı şəhəri Binəqədi rayonu mərkəzləşdirilmiş kitabxana sisteminin baş kitabxanasında 20 Yanvar şəhidlərinin 30-cu ildönümünə həsr olunmuş tədbir keçirildi. Tədbirə 102 nömrəli məktəbin 4-cü “a” sinif şagirdləri də dəvət olunmuşdu. Uşaqlar 20 Yanvar şəhidlərinə həsr etdiyim şeirlərdən ibarət kompozisiya ilə çıxış etdilər. Tədbirin sonunda uşaqlar yazdıqları inşaları və çəkdikləri rəsmləri təqdim etdilər.
Dəvətə görə Binəqədi rayon MKS-nin  direktoru Rəna Biləndərliyə,  kitabxananın əməkdaşlarına, xüsusən də Səidə Sərdarovaya təşəkkür edirik.

Ev heyvanları haqqında oyun

Oyunun linki

Bu oyun məktəbəhazırlıq məşğələləri və birinci sinif üçün nəzərdə tutulmuşdur. Oyunun məqsədi ev heyvanları və onların balalarının adlarının, ev heyvanları, onların həyat tərzi haqqında biliklərin möhkəmləndirilməsidir.Oyun həmçinin uşaqların göz yaddaşını da möhkəmləndirir.

Yeni ilə hazırlaşırıq

Yolkamızı bəzədik!

Şəkillər "Günəş" bloqumuzdadır

Məktəbəqədər hazırlıq."Səsin yerini tap" oyunu

Məktəbəhazırlıq dövründə beşyaşlıların  sözün səs-hərf tərkibinin müəyyən etmə bacarıqlarının inkişaf etdirilməsi çox vacib bir prosesdir. Bunu oyun formasında yerinə yetirmək həm əyləncəli olar, həm də uşaq yorulmaz. Təqdim etdiyim oyun "A" səsini tap oyunudur. Bu oyunda uşaq ona göstərilən şəkli adlandırır və sözdəki a səsinin yerini müəyyən edir. Uşaq bu oyunu həm müstəqil, həm də müəllimlə birlikdə oynaya bilər.

Oyunun linki

Məktəbəhazırlıq məşğələsi üçün oyun

Məktəbəhazırlıq məşğələsi üçün "Heyvanlar" mövzusunda oyun. Oyunun adı "Hansı heyvanın səsidir". Uşaqlar əvvəlcə səsi dinləyir, sonra isə uyğun şəkli tapıb çərçivəyə yerləşdirirlər. Bununla da onlar ev heyvanlarını öyrənmiş olurlar.

Linki burada