Yazıçı ilə görüş

 Uşaqların sevimli yazıçısı Mehriban Nağıyeva ilə görüşümüz çox maraqlı oldu. Təşkilatçı Binəqədi rayonu Mərkəzləşdirilmiş Kitabxana Sisteminin əməkdaşlarına bu maarifləndirici tədbirə görə təşəkkür edirik.

Texologiya dərsindən nailiyyətlərimiz

 Texnologiya yəqin ki bütün şagirdlərin sevimli dərslərindən biridir. Burada yaradıcı təfəkkürün inkişafı üçün kifayət qədər imkan var. Xüsusən də plastilinlə işlər uşaqlara çox maraqlıdır. Motorikanın inkişafı baxımından isə, deyərdim ki, zəruridir. 

Texnologiyadan bugünkü dərsimizin mövzusu 8 ayaqlı ilbizin hazırlanmasıdır. Əvvəlcə evə verilmiş tapşırıqların nümayişini təşkil etdim. Riyaziyyat dərsi ilə inteqrasiya edərək abak hazırlamağı tapşırmışdım. Tapşırığa  məsuliyyətlə yanaşan şagirdlərin işlərini izlədik. Bundan sonra yeni mövzunu elan etdim. Dərslikdəki izahı oxuyub anladıqdan sonra işə həvəslə başladıq. Mövzu ilə əlaqədar cizgi filmini də nümayiş etdirdim. Dərsin yekununda hazır işlərin təqdimatı oldu. 

Videotəqdimat

Texnologiya.Məişət mədəniyyəti

 Texnologiya fənni həmişə şagirdlərin ən sevimli dərsi olub. Məişət mədəniyyəti bölməsindəki dərsləri də sevə-sevə öyrəndik. Bölmənin ümumiləşdirici dərsini əyani olaraq keçirməyi qərara aldım. Bu daha maraqlı oldu. Uşaqların süfrəni bəzəməsi, uyğun davranış nümayiş etdirməsi bölmədəki mövzuları yaxşı mənimsəməsinin göstəricisi oldu

Dərsin videosu burada

.

8 Noyabr Zəfər Gününüz mübarək

 8 Noyabr Zəfər Günü ilə əlaqədar olaraq 102 nömrəli məktəbin 3A sinif şagirdləri  Binəqədi Rayon Mks -də təşkil olunmuş tədbirdə fəal iştirak etmişlər. Tədbirə ikinci Qarabağ müharibəsinin iştirakçıları olan qazilər də dəvət almışdılar. Şagirdlərimizin vətənpərlik ruhunda böyüməsi üçün belə tədbirlərin keçirilməsi olduqca vacibdir.

Daha ətraflı burada

Pizza qülləsi və digər abidələr haqqında təqdimatlarımız

Dərsdən videofraqmentlər burada 

Azərbaycan dili dərslərində  bir -birindən maraqlı mövzular şagirdlərimin dərsə həvəsini artırmaqla tədqiqatçılıq, araşdırma kimi bacarıqlarını inkişaf etdirir. Növbəti dərsdə oxuyub öyrəndikləri informativ mətndəki faktların qısa təqdimatını öyrəndilər. Yaradıcı iş olaraq şagirdlərimə verdiyim tapşırıq dünya tarixi abidələrindən biri haqqında təqdimat hazırlamaq idi. Nəticədə 3A sinif şagirdləri bu tapşırığa məsuliyyətlə yanaşıb maraqlı təqdimatlar hazırladılar.