Oxuyub anlama bacarıqlarının inkişafı üçün mütəmadi olaraq testlər hazırlayıram. Səhifədəki testlər 1-ci sinif üçündür. Buyurun, uşaqlar, yerinə yetirin. Uğurlar!
воскресенье, 23 марта 2025 г.
четверг, 20 марта 2025 г.
Novruz - xalqımızın milli bayramıdır
Novruz- xalqımızın milli dəyərləriindəndir
Novruz- xalqımızın milli bayramıdır
Novruz bayramı xalqımızın milli-mənəvi dəyərləri, adət-ənənələri, milli ruhudur. Bu dəyərləri qorumaq hər birimizin borcudur. Məhz buna görə də hər il Novruz bayramını məktəb tədbirləri sırasına daxil edirəm. Uşaqların kiçik yaşından milli ruhda böyüməyinə nail olmaq üçün bu çox vacibdir. Şagirdlərim belə dərslərdə dilimizdə olan, amma nadir hallarda işlənən sözlərin mənasını öyrənir, adət-ənənələrimizə bələd olurlar. Novruz atributlarından olan səməninin necə cücərdilməsi, xonçanın necə hazırlanması, onların mənalarını da öyrənirlər. Hər çərşənbə yaxınlaşdıqca ona uyğun rəsmlər çəkir, adlarını öyrənir, bu mövzuda biliklərini artırırlar.
19 mart 2025-ci il tarixində keçirilən “Novruz 2025” tədbirinə 1A sinfi böyük həvəslə hazırlaşmışdı. Bir gün əvvəl isə sinfin valideynlər qrupu xüsusi zövqlə dekorasiya hazırlayaraq bahar ətirli əsl Novruzu sinfə gətirmişdilər. Bayrama dəvət edilən Kosa və Keçəlin iştirakı tədbirin daha şən keçməsinə nail oldu. Bundan əlavə uşaqların sevimli cizgi filmi qəhrəmanları da sinfə dəvət edilmişdi. Sevimli personajları görən uşaqların sevincinin həddi-hüdudu yox idi. Şagirdlərim də tədbirə əliboş gəlməmişdi. Hər biri təqdimat hazırlayıb, rəsm çəkib gətirmişdilər. Onlar əvvəlcədən bilirdilər ki, müsabiqə elan olunmuşdur və qaliblər mükafatlandırılacaqlar. Novruza, ilk bahara aid şeirləri, hakıştaları, rəqsləri də gözəl təqdim etdilər. Mükafatları isə onlar üçün hazırladığım “ Novruz diplomları” oldu. Tədbirdə 102 nömrəli məktəbin direktoru İsmayılova Mailə xanım da iştirak edirdi. O, şagirdlərimin çıxışlarını yüksək dəyərləndirərək, onları bu bayram münasibətilə təbrik etdi və gələcək təhsillərində böyük uğurlar arzuladı. Sonda xatirə şəkilləri çəkildi.
пятница, 7 марта 2025 г.
Uşaqların sevinci
8 Mart Beynəlxalq Qadınlar Günü ərəfəsində 1A sinfinin oğlanları qızlara belə bir sürpriz etdilər. Qızları bayram münasibətilə təbrik etdikdən sonra onlara müxtəlif hədiyyələr bağışladılar. Sinfimizin qızları çox sevindilər. Sonra uşaqlar "Anacan" mahnısını oxudular və analar üçün açıqca rəngləyib təbrik yazdılar.
понедельник, 24 февраля 2025 г.
Dinləyib anlama üzrə test
Testin linki “Şir və Dovşan”
Əvvəlcə mətni dinləyin Səsli kitab” Şir və Dovşan”
Linkə daxil olub testi yerinə yetirin.
среда, 23 октября 2024 г.
"Qızıl payızın dostları"
Şagirdlərimin hərtərəfli inkişafını təmin etmək üçün mütəmadi olaraq müxtəlif mövzularda sinifdənxaric layihələr hazırlayıram. Birinci sinifdə belə layihələrə valideynləri də cəlb edirəm. Növbəti layihəmiz payız fəslində təbiətdə baş verən dəyişikliklər mövzusunda idi. Layihəyə hazırlıq 10 gün davam etdi. Uşaqlar bu vaxt ərzində quru yarpaqlar yığıb onlardan maraqlı kompozisiyalar hazırladılar. Payız fəslini təsvir edən rəsmlər çəkdilər. Onlar üçün yazdığım şeirləri, tapmacaları öyrəndilər. Valideynlər də bu işdə əməkdaşlıq edərək uşaqların kostyumlarını və digər aksessuarları hazırladılar. Sinfi dekorasiya edərək gözəl bir payız ab-havası yaratdılar.
Beləliklə, 22 oktyabr tarixində "Qızıl payızın dostları" layihəsinin təqdimatı planlaşdırıldı. 1"a" sinfinin şagirdləri sanki payız nağılına düşmüşdülər. Sinifdə böyük bir sərgi yaradılmışdı. Bu sərgidə uşaqların valideynlərinin köməyi ilə hazırladığı əl işləri təqdim olundu. Sonra şagirdlər payız fəslinə həsr olunmuş şeirlərini sözlədilər, tapmacalar dedilər, mahnılar oxudular.
Nəhayət, tədbir başa çatdı. Şagirdlər fəal iştiraka görə diplomla təltif olundular. Onların sevincinin həddi-hüdudu yox idi. Tədbirdə məktəbin tədris-hissə müdiri B. Quliyeva, tərbiyəvi işlər üzrə direktor müavini L.Şükürova, ibtidai sinif müəllimi, əməkdar müəllim S. Əliyeva iştirak edirdi. Onlar uşaqların çıxışlarını, əl işlərini və ümumi dekorasiyanın mövzu ilə həmahəngliyini qeyd edib birincilərə uğurlar arzuladılar. Səmagül müəllim öz yazdığı şeirlərdən hazırladığı "Hərflərin çələngi" adlı multimediya diskini 1"a" sinif şagirdlərinə hədiyyə olaraq bağışladı.
Videotəqdimatın linki Qızıl payızın dostları
суббота, 19 октября 2024 г.
" Danışan rəqəmlər"
Riyaziyyat fənni 1A sinif şagirdlərinin ən sevimli fənnidir. Rəqəmləri öyrənəndən sonra uşaqlarla maraqlı bir sinifdənxaric tədbir keçirildi. Tədbirin adı "Danışan rəqəmlər" idi. Uşaqlar rəqəmlərə aid şeirlər sözlədilər, “Rəqəmlərin mahnısı”nı oxudular. Sonra şeir- məsələləri təqdim etdilər. Tədbirin sonunda “ Məktəbdə öyrənirik” mahnısını xorla ifa etdilər. 1A sinif şagirdlərinin bu tədbiri çox maraqlı oldu.Tədbirdə 102 nömrəli məktəbin direktoru M.İsmayılova, tədris-hissə müdiri B. Quliyeva, ibtidai sinif müəllimlər S. Əsgərova və İ. Əhmədova iştirak etdi. Onlar öz təəssüratlarını və birincilərə arzularını söylədilər. Qeyd edildi ki, “Danışan rəqəmlər” , “Əyləncəli riyaziyyat” şeirləri və “ Rəqəmlərin mahnısı”nın sözlərinin müəllifi D.Şeyxzadədir.
Videotəqdimatların linki Danışan rəqəmlər
пятница, 27 сентября 2024 г.
27 Sentyabr Anım Günüdür
Uşaqların vətənpərvərlik tərbiyəsi vətənə sevgidən başlayır. Dövlət rəmzlərini, vətənimizin tarixini, Milli Qəhrəmanlarımızı, əlamətdar günlərin mahiyyətini öyrədərək, anladaraq buna nail olmaq olar.
102 nömrəli məktəbin 1"a" sinfində 27 Sentyabr Anım Günü " Şəhidlər unudulmaz" adlı tədbir keçirildi. Tədbirdə 1"a" sinfinin bütün uşaqları fəal iştirak etdi. Onlar şəhidlərimizə, qələbəmizə həsr olunmuş şeirlər söylədilər. Sonra isə Anım Gününə həsr olunmuş rəsmlərini təqdim etdilər.
Videotəqdimatın linki burada 27 Sentyabr Anım Günü
Подписаться на:
Сообщения (Atom)