Yay məktəbinin son günü

30 iyun 2021-ci il. İlk Yay məktəbinin son günü. Bu günü də maraqlı keçirdik. Əlvida, ilk “ Yay məktəbi”

Hər fəsildə öyrənmək gözəldir!

 

“ Yay məktəbində”

 Yay məktəbi

Dostlarınla bərabər ol,

Sən fəal ol, pozitiv ol!

İdmanı sev, hərəkət et,

Yarış, qazan, iştirak et!

Həm əylənmək, həm öyrənmək.

Harda var belə dincəlmək!

Bu bizim “ Yay məktəbidir”,

Belə öyrənmək gözəldir!

Hər fəsildə öyrənirik,

Elmlərə yiyələnirik!

Müəllif: Dilşad Şeyxzadə

İyun 2021-ci il

“Biliklər açarı” inamlı əllərdədir!

 

14 iyun - son dərs günü, “Son zəng”dir. Hər il olduğu kimi bu il də 102 nömrəli məktəbin məzunları öz doğma məktəbləri, əziz müəllimləri ilə vidalaşırlar. Birincilər də onları təbrik edir, uğurlar arzulayırlar. 

Siz ey əziz məzunlar!

Əziz onbirincilər,

Sizi təbrik edirik

İndi biz  birincilər!

 

Açıq olsun yolunuz,

Uğurlar dilərik biz.

Siz bizim sabahımız,

Sizsiz gələcəyimiz.

Qoy ucalsın adınız,

Fəxr etsin Vətənimiz!

Siz getdiyiniz yolla

İnamla gəlirik biz!

Müəllif: Dilşad  Şeyxzadə

12.06.2021

20:50

Tədbirdə 1”a” sinfindən Musayeva Əsmər öz təbrik şeirini söyləyib son zəngi çaldı. Qızıl medalçımız Ranal Qurbanovun əlindən “ Biliklər açarını” aldıqda Əsmər də onun kimi olacağını söz verdi. Uğurlar, əziz məzunlar!

Son dərs günündə

 Son dərs günündə kollektiv olaraq Paint-də rəsm çəkdik. Rəsmdə təbiətin bir guşəsi, ev, heyvanlar, ağaclar, güllər, çiçəklər, mavi səma, ağ buludlar, Günəş təsvir etdik. Rəsmimizə “ Xoşbəxtlik” adı verdik. Qoy bütün uşaqlar xoşbəxt olsun!